أميرة فلسطين على كرسي الاعتراف ....!!

moamenbatniji كتب:هيني جيت بأسئلتي مفكراااا نسيناكي انتي لساتك علي الكرسي وترقبي المزيد من الأسئلة

يا الله والله يوم السبت حكيت لفراشه الروح انو انا كنت اول وحدة وأخف وحدة خلصت من الكرسي رجعتوني اله يسامحكم .
هههههههه راح جاوب ولا يهمكم .
وأول شي أسئلتي عبارة عن مواقف

يعني انتي راح تحكيلي موقف الي مريتي فيه

ماشي خليني ابلش


1\ موقف حسيتي بي قيمت نفسك
هو في كتيير مواقف بس في موقف حصل معي قبل فترة في صديقه لايلي كنت من صف تاسع وانا متزاعلة انا واياها على غلطة منها وكانت بتستاهل اني ازعل منها ولحد الان ما بنحكي مع بعض بس قبل فترة انا صرت افكر انو بالدين ما بيصير الواحد يزعل من الناس الي بيعرفهم يعني بما معنها حديث الرسول (لا يحل لمؤمن ان يهجر أخاه فوق ثلاث........وخيرهما من يبدأ بالسلام ) فأنا من هالمنلطق قبل كم اسبوع كان في عليي حصة انجليزي عند استاذ برضو صاحبتي بتحضر هالحصص معي أول ما دخلت سلمت على البنات وسلمت عليها من بابا خيرهما من يبدأ بالسلام وهي سلمت علي برووس اصابعها بس انا ارتحت كتيير بعدها انو ريحت ضميري .

2\ موقف حسيتي في ضعيف منك قادر تعمل شي

لما مرة ماما وقعت عن الكرسي وهيي عم بترتب بأثاث البيت واله وانا بركض وقعت ووقفت عندها وما كنت عارفة شو بدي اعمل بس الحمد لله أجت سليمة .

3\ موقف خلاكي تندمي على دنيا والي فيها

لما الفصل الاول جبت معدلي زفت تندمت على كل شي كان بيلهيني وخصوصا النت بس بعدها عرفت انو لو نظمت وقتي من الاول ما كان صار الي صار .

4\ موقف حسيتي انو قلبك متحجر

مش متذكرة انا دايما قلبي رقيق هههههههه بس يمكن بشي طلبتو مني وحدة من خواتي وانا ما كنت برد عليها .

5\ موقف خلاكي تحكمي على شخص معين

احينا خناقات بالمدرسة واحيانا استشارات بقصص حب ههه من بعض البنات ز
6\ موقف خلاكي تبكي لى درجه مو معقوله

لما جبت معدلي الفصل الاول ولما العام بعاشر نزل معدلي بالرياضات لانو ماما كانت تبهدل ففي بالموقفين ولما ماتت معلمة الرياضات قبل كم سنة -الله يرحمها- والله كنت حبها كتيير وكتيير اوقات لما اكون متدايقه ومش عارفه شو بدي اعمل ومش قادرة استحمل بفش غلي بالعياط .

7\ موقف حسيتي انو حسباتك كلها طلعت غلط

ممممممممم مش متذكرة بالضبط بس يمكن برضو بحساب المدرسة

8\ موقف خلاكي تحسي انك وحدي بي ها دنيا

كتيير مواقف منهن لما بحس انو ولا بنت من صاحباتي معتبرتني صديقه عزيزة ومن أعز صديقاتها ولما أكون مقهورة ومتدايقة من شغلة وبكون لحالي وبأغلبية الاوقات انا بحس حالي وحيدة .

9\ موقف خلاكي بدك تكتلي واحد او تفكري تدربو

اكتل واحد يمكن يوم ما ابن خالي نادي عليي بالشارع ولما عمتي بنفس الشارع قبلها بكم يوم كانت منادية علي يا اله قدام الناس بس عمتي كان صوتها أعلى ابن خالي كان جمبي على الاقليه .
بس طيعا ما بتيجي لحدود الكتل.

10\ موقف خلاكي تحسي بي قميت شياء الي عندك
كلها مواقف امممممممممم
لما كنت اشوف صاحباتي محتفظات بأِياء حتى ما ايلها اهمية بس في ايلها ذكرى معينة وبس صرت اشوف انو الواحد حلو يتفظ بالتذكارات ولما كنت احيانا في اشياء عندي بس مش معجبتني وأشوف انها عبارة عن كنز بايد ناس تانيين وقتها حسيت بقيمة كل شي بملكو .

ونكمل
* من اول قلم اعجبك في المنتدي

اذا عن الابداع والكتابة أكيد أسيرة الحب لأنها اول شاعرة بالمنتدى كانت .

* ماهو أجمل مو ضوع قراتيه في المنتدى

كتيير مواضيع مش عارفه احدد .

* حكمتك في الحياه ؟
في التأني السلامة وفي العجلة الندامة .
وبكل شي .

*شاعرك المفضل ؟

ما بعرف اسماء شعرا كتيير بس يمكن نزار قباني ,سميح القاسم فدوى طوقان ....وكتيير غيرهم .

*متى أميرة تكون سعيدا ومتى تكون حزينة ؟

بكون سعيدة لما بشوف الناس الي حوالي سعيدين ومبسوطين ومش ناقصهم شي وحتى لو كنت انا زعلانة مش مهم .

وبكون زعلانة لما حد بيطلب مني طلب وما بكون قادرة ألبي أو لما أشوف شخص حولي زعلان ومتايق وخصوصا اذا كان وحدة من صاحباتي .

* موقف طريف مر فيكي وانتي في المنتدى ؟

اشياء كتيير مش متذكرة بس يمكن يوم ما سجلت سفينة الحب بلقب عاشق الاء حكييت اووووو والله ومسكناكي يا الاء بس طلع كمان مقلب بألاء من صاحباتها .

* مقلب من احد الاصدقاء ؟

مقلب وااخ منو من مقلب من فراشه الروح ولولو كان انو فراشه الروح ماتت أو انها بحالة خطيرة وبالانعاش لأنها واقعهة عن السدة .

*ما هي برايك سلبيات المنتدى؟
انو الصور ما بتقدر تعملهم نسخ لصق عادي من غير روابط وأكواد متل غيروا من المنتديات بس هادي برضوا بترجع لشركة أحلى منتدى .

* ماهي اكلتك المفضلة ؟

الكوسا المخشي .


* ماهو اجمل قسم في رايك في المنتدى

كل الاقسام حلوة بس انا بحب الالعاب والضحك .

- لكل انسان زاويه لاحزانه ياؤي اليها

فما زاوية أميرة صفيها لنا ؟؟؟؟؟؟؟؟
أرجو ان تكون أسئلتي غير مزعجة وما نسيناكي
انتظري المزيد

تحياتي