يومياتي بمدرستي.!!

هلأ يا أعضاء هادا المنتدى راح يكون بس لكل شي بيتعلق بالمدرسة في اول موضوع بدنا من كل عضو يدخل يحكيلنا شو عمل اليوم بمدرستو شو كانت حصصو ممكن شو عمل مع مين حكى موقف غريب حصل معاه موقف مضحك اي شي المهم نحكي كل شي بيتعلق بالمدرسة يلا انا بنتظر مشاركاتكم .

وانا اول وحدة راح احكي شو اليوم عملت بالمدرسة طبعا اليوم كان اضراب بعد الحصة الرابعه انا رايحة على المدرسة وشو بستنى بالحصة الرابعه لتخلص حتى قبل ما تبلش الحصة الاولى هههههههههه المهم كانت اليوم الاذاعة الصباحية لصفنا وأنا كنت مقدمة البرنامج .
صصنا كانوا تكنولوجيا كان الدرس عن انظمة العد والتحويل بين الانظمة أعطتنا المعلمة سؤال على الدفتر أنا اول وحدة خلصت وكتبتلي (1) والي جمبي خلصت بعدي كانت (2) وهيك لحتى خلصت بعدها شرحتلنا كمان طريقة أعطتنا سؤال انا ما كان معي اله حاسبة وكنت بحسب على ايدي خلصت التانية تالت سؤال انا خلصت اول وحدة بس المعلمة اختارت بنات ما كانت مصلحتلهم ولا مرة المهم تاني حصة كانت رياضه ما اخدناها لانو معلمة العربي بدنا تعطينا التقطيع العروضي فبدلنا الحصص وكانت المعلمة تشرح وانا ما بحب درس العروض كتيير لانو سهل وبيندرس بالدار فتبعت معاها اول الدرس بعديها لما صاروا البنات يطلعوا يقطعوا على اللوح حملت هالقلم والورقة وبلشت رسم رسمت رسمة صغيرة لحتى المعلمة اعطتنا امتحان فجائي بالحصة على التقطيع العروضي وان شاء الله بجيب فيه كامل المهم الحصة التالتة كانت على اسا انجليزي بس أخدتنا معلمة الكيميا والرابعة كانت انجليزي حصة الكيميا كانت عن الذائبية والانلجيزي كان اولها تكملة شرح القسم التاسع من قصة سايلس مارنر وبعديها بدينا بالوحدة العاشرة وهيك لحتى خلصت الحصة الرابعة وروحنا .

بس شو اليوم كان حلو وهادي والفرصة كانت حلوة وكنت ماشية انا وكم بنت وعم نحكي عن الامتحانات والتوجيهي وعن تدريس خواتنا واخوتنا وعن الصعوبات الي بنواجهها بالتدريس خصوصا اذاا كانت المادة صعبة عليهم من جهة انهم مش فاهمينها وخصوصا اذا كانت رياضيات .

ههههههههههه يوم حلو يا أميرة
واانا بلش بشو صار من الأول بمدرستي هههه
هلأ كالعادة بروح متأخر لأنو واحد صاحبي بنتظرو ليطلع وبعدها بنقذر لنوصل المدرسة عاد هو شعرو كبير الهو واحنا داخلين الباب بحكيلو الوكيل صف واطفي هون لأنو قبلها بيوم منعو الجوالات والجل والشعر والزي قعدت اضحك عليه يا حرام ههههه وبعدها دخلت الصف مين
أول حصة كانت رياضيات بحكيلي الاستاذ بدري كمان نصف ساعة بتجي ما رديت عليه وقعدت مطرحيو هاي حصة ما في حد بنام ولا حد بحكي كلو صمت لأنو الأستاذ جبار وخلصت الحصة بدون مشاغبات
الحصة التانية اجا استاذ الأنجليزي شرح النا الكونديشينال وقعد يحكيلنا عن الوضع ضيع نص الحصة وهو يحكي عن الوضع الي عايشين فيه وخلصت الحصة ويلا ازهقناك هاتو غيرووو
بعدها الحصة التالتة اجا استاذ العربي هاد يا عيني علياااااااا هاد أكتر استاذ بنجننو لا وشو هاد بكون مربي صفنا ههههه يعني فضيحة الو أول ما دخل الكل هاييياي هووواو ويا حرام كان ساكت وبتطلع بلأولاد بعدها شرح درس اسم الفاعل والحمدلله ما حد فهم شي هههه لأنو الكل بتكلم مع بعض وانا كنت مشغول بحكي مع صاحبي وطلع وهو ما حد فاهم شي هههه
وبعداااا الفورسة اجت نزلنا تحت لاقيتهم بلعبو كره لعب معهم عارفين شو الكره هه؟ الكره كنا عاملين كوز كولاااا وبنلعب فيه شايفين الغبااء لوين هههه
طلعنا الصف بهاد الوقت الكل بكون مسلطن ونحنا طالعين الصف وقت ما تخلص الفورسة الكل يغني الكل يرقص الكل يطبل والي يزغرت بنعمل عمايلنا وبعد ما نعمل عمايلنا بنوكل بهدلة من الوكيل يما يما منو هاد الوكيل عامل حالو شو.....ما بنحبو ولا بنطيقو
الحصة الرابعة اجا نفس الأستاذ هاد بتاع العربي هاد بعلمنا مادتين عربي ودين
بس يا حرام بنجننو وما شرح لأنو قعد يسلمنا وراق امتحانات الدين وحاططلي 28 من 30
يلا منيحة المهم بنص الحصة الصف الي جمبنا بدو يروح أربع حصص والأولاد متلمين علي الأستاذ عاملين جبل عليه والله وشو يشرد نص الصف مع الصف الي جمبنا وروحنااااااااااااااااااااااااااااا
يا ريت كل يوم هيك 4 حصص هيك ما بنزهق حتي يخلوها 3 حصص دوام دكاتره هههه
وهاد الي صار بس ما بعرف اذا بكرة بناكل بهدلة ولا لا
لأنو كان علينا ثقافة عارفين شو اسم الأستاذ قراماااااااان من عيلة قرامان ههههههههههه

ههههههههههههههه يوميات حلوة وخصوصا
خلص هاتو بدالوا هههههههههههه

ههههههههههههههههه اها زهقناه غيروه

ههههههه طيب ماشي هلأ يومياتي لليوم :
اليوم كمان ما صار شي مميز كالعادة طلعت من الدار متأخرة شوي لحتى اختي خلصت لبس لك ااااه صار شي مميز كتيير طلعت التأخيرة لصالحي وأخيرا شفت لولو بالجلباب بيجنن عليها حلو كتيير وشفت أسيرة الحب وفراشة الروح الله اليوم كان رائع مميز وحلو كتير وصلت المدرسة وحكيت مع صاحباتي شوي ودخلنا الصف وكانت أول حصة ادارة بس شو معلمة هالمادة بحبها كتير وبموت عليها وهيي كمان بتحبني ودايما تمزح معي ونص حصصها ضحك أكيد عارفاتها يا بنات ست أمون ما غيرها الي علمتنا العام جغرافية المهم التانية كانت دين حصة حلوة وبتجنن بس ما بحب معلمتها كان درس اليوم بيحكي عن الزواج والخطبة ومشروعيته وحكم مشروعيته والي بعدها كانت كيمياكمان كانت حلوة والدرس سهل وممتع وطلعنا فرصة وطبعا بس يرن جرس الفرصة انا بكون عند المشارب كل يوم وحتى في بنت صاحبتي بتكون تراهن صاحباتها انو هلا ضحى راح تكون عند المشارب وطبعا بتكسب لانو بكون هناك .
بعد هيك دخلنا على الصف ومع رابع حصة والاخيرة كانت المفروض فيزيا بس بدلنا وأخدنا رياضيات علشان الاضرابات وخلصنا الحصة وروحت على الدار وشو نوووووووووووم بكرة عطلة وما علينا امتحانات الاحد وهلأ وقت النت .

ههههههههههههههههههههههه يا عيني يوم حلو تشوفي كل عضوات المنتدي صحباتك
وهااااااااااااااااي مباركة للولو بمناسبة الجلباب الجديد ههههههههههههههه
ألف مبرووووووووووووك
ويوم حلو يا أميرة
ورحت علمدرسة متل كل يووووووم بس في يوم مابروح عليها الي هو بكرة
الطابوووووووور ووخطب النا ابو بلال خطبة الجمعة ههههه
هاد الأستاذ بدرس دين فا بيعطينا خطبة الجمعة في يوم الخميس
ودخلنا الصف وأول حصة كانت قضايا أعطانا أسئلة واحنا نحل وخلصت ما طولت حصتوو بسرعة خلصت
وللي بعدو اجا استاذ الجغرافيا ابو دم تقيل وشرح الدرس وللي بعدووووو
التالتة اجانا بتاع العربي اعطانا قواعد بحر الرمل وقطعنااااااا وغنينا ههههه ما أحلا صوت الأستاذ وهو بغني متل المغارة صوتو مرعب ههه
اجت الفوسة ولعبنا كره وبعد طلعنا بس ما عملنا شي لأنو 19 ولد كانو غايبين من 56ولد
وواجت كمان حصة دين سورة النور وشرحها الحلو وجاوبنا أسئلتها ووخلصت حصتوووو
بعدها اجا الأنجليزي يا عيني ما ألذهيك استاذ بحبو بس يوم الخميس ما بيشرح شي حكينالو روحنا حكالنا انا لو عليكو لروحتكو من زمان ما انا قرفانكووو بس أنا ااذا روحتكو بكون 100 ألف زنانة بتبعت بلاغات حسام زيادة روح الأولاد وما شرح وقتها مرق الوكيل هاد النحس فا الأستاذ فز وعمل حالو بيشرح هههههههه وقعد يغمز النا بعيونو هههههه وهاي يا أولاد بتنفعكو بالتوجيهي وهاي يا أولاد هههه بعد ما راح رجع قعد وما اخدنا شي يعني لو روحنا أحسن
وهاااااااااااااااااااااااي رن الجرس روحناااااااااااااااا تووووت توووت وهاد الي صار بمدرستي ما في كانت مغامرات

ههههههههههههههههههه يوميات حلوة أميرة ومؤمن هههههههه
لا وهاي كمان ألف مبرووووووووك الك لولو علي الجلباب الجديد أكيد طالعة تجنني
وشكرا لتفاعلكم بيوميات مدرستي

هههههههههههههههههه يومياتك يا مؤمن حلوة وبضحك كتييير
لأ وبالغمز كمان .
شكرا كتيير
انا اليوم كانت يومياتي بمدرستي حلوة كتييييييييييير
مش تصدقوا قسما بالله اليوم ما وصلت المدرسة اليوم عطلة (الجمعة )
هههههههههههههه
استنوني مع يوميات يوم الاحد .

هههههه اه والله قعد يغمزلنا ويحكيلنا يلاوهاد وهاد مشان يشوفو الوكيل انو بيشرح
اها والله انتو مكيفين اجازةيومالسبت حلوووووووو
ما انا اعرف ماحد بيروح اليوم الجمعة للنوم بس ما بنام

ايلي كم يوم ما حكتلكم شو صار معايا بالمدرسة لاني كنت مشغولة شوي وهلا بدي احكيلكم شو صار معي اليوم لاني ناسية طبعا شو صار معي مبارح وأولو

اليوم كنت معينة الجوال يرن على 5 علشان أقوم أصلي الفجر المهم رن الا ليسا بيأدن حكيت هلا بقوم بلاقي بابا بيتوضا وماما كمان وبقعد استنى وبيروح النعس بعديها وما بعرف ارجع انام هههههه رحت رجعت أخرت الرنة كمان 10 دقايق او 5 مش متذكرة بالضبط المهم رن كمان مرة قمت بسرعة توضيت وصليت رجعت علشان انام لحتى تصر الساعه 6:25 قال يعني علشان اقوم البس وأروح على المدرسة بدري لانو اليوم كان عليي قرأة موضوع عن الصحة بالاذاعة المهم رن هالبلفون يا الله شو هادا صار رانن الا اطفي المنبه وأخلي بإيدي قال ليش مهو انا هلأ ما راح أغفى منيح فلما هيك اصحح وأشوف البلفون بإيدي أكيد راح اتذكر اني اقوم علشان البس بسرعة لانو أكيد راح أكون متأخرة ورجعت نمت الامما جاي تصحي أختي الضغيرة تصلي كانت يا دوب مارقة 5 دقايق عملت حالي مش هون ومن هون لهون قمت البس على الساعه 7 الا ربع وخلصت لبس على السبعة تقريبا وطلعت من الدار سبعة و10 لحتى افطرت ومشيت بالشارع لحالي وبسرعة اوصلت على الموعد شوي الا رن الجرس وجهزت حالي كنت اول وحدة بتقرأ بالاذاعة لانو كان موضوعي عن يوم الصحةالعالمي قرات وخلصت وخلصت الاذاعة ودخلنا على الصف وبدوا الحصص بديناها بالتكنولوجيا حصة حلوة وبحب معلمتها وكانت التانية رياضة من سلطنة بعض الملعلمات على الحصص أخدناها فيزيا مع انو اليوم ما علينا فيزيا وما معي لا دفتر فيزياء ولا كتاب المهم كلنا كنا متنكدين ليش راحت حصة الرياضة والتالتة انجليزي وطلعنا فرصة وشوووووووو احلى شي قعدنا نحكي ونتسلى بهالفصره مع هالبنات وكان لازم يكون علينا تدريب للكورال مع مربية صفنا من شان اليوم المفتوح بس ما تدربنا وخلصت الفرصة ببهادل من المديرة لصفوف عواشر وشوية لأول ثانوي ودخلنا على الصفوف مع حصص الرياضيات والاحياء والكيميا بس الكيميا كانت أحلى شي لانو كانت بالمختبر وكانت تجارب وعمل محاليل وتركيز وما تركيز هاي أشياء انتو ما بتفهموها بس للعلمي هههههههههه المهم وكانت آخر حصة كمان حلوة لانو كانت أحياء وما سكتنا فيها عجبنا على الملعمة لانها يا حرام بديلة بدل معلمة مريضة ومش كتيير شديدة على الطالبات طول الوقت ونحنا نحكي ونخرف قصص وهيي تحكي ولكم اسكتوا خلص بكفي انتي الي هون والا جمبك انتي والشلة الي حواليكي على شي فاضي وهيك لخلصت الحصة وروحنا وشووووووووو روحت لحالي كمان لانو صاحباتي الي بروح معاكم كان عليهم معهد فيزيا وأختي كان اليوم معطلة لانها توجيهي وبكرة عليها امتحان دين فإيلهم يومين غايبين علشان الامتحان (طبعا الامتحانات التجريبية).
وهيك انتهي يومي الدراسي بس بعد المدرسة والغدا شو عملت يا حزركم ؟؟؟؟؟
أكيد على النوم :SLEEP: وصحيت على مسلسل صرخة حجر كانت الاخيرة وشو حلقة من الاخر بتحزن شوي يعني عيطت عليها شوي ودرست وهلأ نزلت عند عمتي وفتحت النت بظن هيك حكتلكم كل شي صار معي باليوم باستثناء ما سيحدث والله اعلم شوهو .

طولت عليكم كتيييير صح بتعرفوني رغاية وما بسكت .

ههههههههههه رغاية كتير هههههههههههه
يومك حلوووووو .........والله يخليلك العلمي يا حرام قال بياخدو حصة الرياضة وبيعطوكو بدالها كيميا يا حرام مساكين

اه شايفين بنشفق مظلومين .
اليوم صارت معاي اشياء كتيير غريبة وحلوة كان اليوم بيجنن وهادا من بعد الفرصة وانا بحصة الرياضات كان في على درجي طبشورة كانت راميتها علينا بنت بالخمس دقايق لانو كنت وانا والي جمبي بنغني مجنونة مجنونة بحبك أنا ....الا أحمل الطبشورة وبحصة الرياضيات وارسم على ظهر الي قدامي واحد بيلاوق شبه هادا
بس على أبشع شوي هههههههههه وكتبت اسمي بالانجلزي وأول حرف باسمها وأول حرف باسم البنت الي جمبي وشو انا والي جمبي فارطات الا المعلمة بتحكي وحدة تطلع تمحى اللوح وتقوم الي قدامي تمحاه وشو انا قلبي هبط صار بالارض خوف للمعلمة تشوف الكتابات وتسألها مين كاتبتلك اياه المهم المعلمة ما اتبهت بعد ما رجعت وشافتني بضحك عرفت شلحت جكيتها ومسحتو وانا كملت خربشت للبنت الي جمبي والي وراي خربشت للي جمبي بعديها الكل تحلفلي بالخمس دقايق عجبنا 3 بلشوا يخربشوا عليي عجبوا على جلبابي وجلبابي شو حكلي وقعدوني على الارض ويخربشوا على ظهري وانا على بلاطينهم وشو بلاطينهم سود وعلى جلباب الي جمبي أسود المهم عجبنا على بعض ورحنا كلنا علىالمشارب نغسل وكل وحدة معاها بنت تانية علشان تغسلها جلبابها من الظهر وردينا ولعنها عند المشارب يعني الي مسحناه رد رجع وعلى أكتر ورجعنا على الصف كلنا مي وهيك لحتى آخر حصة ما أخدنا فيها درس كنا نجهز لمعرض الفن البنت بيجهزوا وانا وكم بنت مشغولين يا نغسل اواعينا يا نخربش على بعض ولولا انو بنحمل شنطات على ظهورنا كان انفضحت بالشارع لانو كان ظهري معجب عليه وكل ما اغسلوا ترد تيجي وتخربش والمهم كلنا روحنا وأواعينا علىالغسيل وشو كان شكلنا بينشحد علينا باب الجامع .
وهلأ سلامااااااااات.

أما بالنسبة لليوم كان حلو وهادي الشي المميز الي صا رفيه انو ان كان انحرجت احراج مرتب اليوم في الحصة السادسة حصة الفيزيا أجت بنت بتحكي بدي ضحى انا خفت المعلمة بتحكيلي روحي طلعت بحكيلها لمين بتحكيلي للمديرة بحكي :يما ,الله يستر ليش .؟؟بتحكيلي لا ما تخافي ما في شي بس علشان اختاروكي معانا عريفات لحفل تخريج بنات التوجيهي المهم انا ارتحت وضليت ماشيه مع البنت هلا البنت دخلت على غرفة المعلمات وانا دخلت على غرفة المديرة والله ستر انو المديرة بتحكي بالتيليفون لا وقال طبلت شوي على الباب وضليت داخلة لاني عارفة انو المديرة بدها اياني وبستنى بالمديرة لتخلص وفي مرة كانتعند المديرة بتطلع على المهم شوي الا البنت بتنادي عليي ولك ضحى وين رحتي تعي ردي على المعلمة طلعت معلمةالعربي الي بدها اياني مش المديرة وانا بحكي الحمد لله انها كانت المديرة تحكي بالتيليفون الله ستر .
وضاعت عليي نص حصة الفيزيا وبعدها أجت حصة الحكي ههههههه حصة الاحياء بس انا ما حكيت كتيير كنت منتبهة على المعلمة

يوميات حلوة يا أميرة ههه ما أحلي الإحراج ههههه
وبلشلكم بيومي يوم حلو هاد يوم الثلاثاء أحلا يووووووم
ما في شي علينا 4 حصص وبس
رحت لاقيتهم في الطابور سلامات ووكلام
وبعدها خلصنا ورحنا الصف
كانت أول حصف علينا إدارة وصبرنا ما اجي الأستاذ ويا عيني الكل فوعاااااان وبعدها ما شرف ولا استاذ وطلعنا برا لأنو نحنا نزلنا تحت في الطابق التحتي مشان التوجيهي وبنطلع وبننزل بأي وقت والساحه قدامنا ورحنا نلعب كره قسمنا وكل شي وبدنا نبدا اللعب وبجيت استاذا التكنو لوجيااااا
وبدو يعطينا حصة قال وهو علينا الحصة التالتة لهيك ما بنحب بنزهق شوفو ما أطمعو بدو حصتين مشان يلحق المنهج قال لأنو بنغلبو ومو ملحق علينا لهيك بدو حصتين المهم قعد يدخل فينا للصف وبدنا نلعب يا جماعة المهم يدخل 5 طلاب يطلعو 10 طلاب من الصف وعلي هاد المنوال خلص نص حصة وهو بدخل فينااااا فا دخل وحكالنا في علامات
والكل هجم للصف وانا دخلت اخدت الكره وبرقص فيها قدام الأستاذ وانا علباب هاد الأستاذ بنلعب معو وبلعب معنا عادي وخبطني بالعصا حكالي الي ساعة بحكيلكو ادخلو هلأ الي دخلتو مشان العلامات حكتلو اه بس لا تجينا الحصة الثالثة لأنو بنزهق والله وقعد يشرح والكل سسسسس سسسسسس حرف السين ههههههه سسسسسسسسس نجن يا حرام ما عرفت شو الدرس لأنو كنا نحكي ونشاغب شكلو الثنائيات ولا ما بعرف شو هو في جمع وطرح هههه لك ما بننتبه معووو
والي جمبي ما اجي لساا الهو جاي وجايب 3 كاسات شاي وبدو يعطيهم للأولاد الي ورا من الشباك
هههههههههههه ويا حراف شافو المديررر شو بتعمل يا حبيبي ههههههههه وهاتك يا كفووووووووف وضرب كمان الأولاد الي بدهم شاي وكب الشاي وما حد نابو شي فيهم بس أكلو كفوف وضرب ههه
المهم ولد طلع علبه صابونه من هاي الي بتطلع فراقيع بتعرفوها اه والله وشو الولد ينفخ وتطير والكل فااااااااااع هااااااااااي هااااااااااي وشو الأستاذ ينزلك في الولد كفوف من قاع الدسك وبعدها طلعو لبراا وهو مضروب بعدجا الكل خنس شعب بخاف ما بيستحي المهم خلصت الحصة
اجا بتاع القضاايا هاد أحلا استاذ اعطانا أسئلة مراجعة والكل حل وخلصت بتمااااااام
وبعدا مين بدو يجينا استاذ التكنولوجيا قال وما ضل حد بالصف الا كم من ولد والصراحة انا كنت معهم بالصف وكمل الدرس وهاد شووووووو بعد الي طالع والي نازل والي بدو مساحة والي كرسي ييييييييه
والي من صفنا يطلعو وينزلو استهمااااااال للأستاذ علي الأخر
بعدها انا زهقت بدي اطلع لبراااا حكتلو استاذ عن اذنك حكالي اقعد محلك حكتو مزنووووووووووق يا استاذ حكالي استحمل حكتلو يا استاذ مو قادر اتحمل حكالي روح معك 5 دقايق
طلعت ولاقيت باقي صفنا بلعب كره لعبت شوي ورحت اشتري بسكويت ودخلت الصف وعزمت علي الأولد هه
وترن ترن رن الجرس والا اللقاء يا مدرسة
ووووووووووووووووووينك يا طريق
الباب قدامنا ونحنا تحت يعني شرود الكل بيشرد وما في مصفايه لأنو وقت ما كنا فوق كانو عاملين النا مصفايه عند الدرج تحت ما في حد بينزل والله وروحنااااااااااااااااااا
وهيني دخلت البيت لاقيت الجهاز مفتوح واستلمتوووووووو
طولت عليكو ههههههههه
وهاي الي صار بلمدرسة ............

هههههههههه يوميات بتضحك كلها خبط وضرب وقتل
اي طبعا شو بدو يطلع من ورى الاولاد

المهم انا اليوم ما صار اي شي مميز بالعكس كان اليوم ممل لأنو ما شفت صاحباتي الي بغير مدرستي الا كم بنت المهم كانت اليوم الدنيا نااااااار اول حصة ماانتبهت للمعلمة كتيير فيها لأنو كانت احياء وانا كنت بحل رياضيات لانو كان علي امتحان اليوم وفي كم سؤال ما كنت حاللهم فحليتهم بحصة الاحياء والحصة التانية عربي علوم لغوية ما بطيقها هالحصة بس انتبهت شوي على المعلمة وباقي الحصة كمان كنت براجع بكم قانون رياضات والثالثة كانت كيميا هادي الحصة انتبهت منيح فيها لانو بدها فهم وبعدها طلعنا فرصة كان علينا تدريب للكورال لنشيدة بدنا ننشدها بيوم تخريج التوجيهي من مدرستنا وكان عليي اجتماع مع معلمة العربي علشان مقدمة البرنامج الي بدي احكيها بيوم الحفل وكنت بدي ادرس رياضيات جمعت شوي هون وشوي هون وشوي هون ورن الجرس وأجت حصة الرياضيات كنت خايفة كتيير بس الامتحان كان سهل لاولا خربطت ب(جا150) يعني يمكن انقص علامة أكتر أقل ما بعرف وبعدها حصة دين كانت حلوة وكنت نشيطة فيها لأني بحب حصص الدين والي بعدها فيزيا والاخيرة انجليزي كل حصة مملة أكتر من التانية وشو كنت عطشانة ما صدقت ويرن الجرس وروحي يا ضحى على المشارب الا المي بتغلي غلي وثلاجات المي مش شغالات .

هههههههههههههههههههههههههههههههههههههههههههههههههه
متزكر لسة
حرام عليك فضحت الاساتذة يا ولد
ههههههههههه
زكرتني بايام الصياعة

ههههههههههههههههههههههههههههههه والله هاد الي بصير ولازم نقولو
وهلأ ما في مدرسة لنقول شي ان شاء الله عودتنا بالتوجيهي

على خير ان شاء الله
بس انا اليوم كان آخر يوم دوام كامل عنا بناخد 6 حصص تقريبا بس طبعا بنفضل قاعدين من غير تدريس المهم اليوم كان الامتحان بعد الفرصة مباشرة قضينا اول 3 حصص دراسة كيميا اول حصة درسنا بالصف التانية درسنا بالساحو لأنو اخدتنا معلمة الرياضة والتالته كانت بالصف بس شو كانوا اليوم المعلمات كتيير متساهلات يعني المعلمة قاعدة والبنات بيطلعوا من الصف وبيدخلوا هيي للصراحة كانت ملتهية شوية بأوراق كانوا معاها فكل الصف كان برة المهم نروح وننزل على المشارب ونطل على صاحباتنا بالصفوف التانية بس انا درست درست وبعدين بالامتحان خربطت بقانون يعني بيطلع عندي كم غلطة بالامتحان ويا الله كان كتيير طويل والاسئلة بدهم حل ووالله بأتفه شي غلطت بس من عدك تركيزي كانوا البنات الي ما بدهم يدرسوا يكتبوا على اللوح ومن الي كتبوه على لوح صغير على جنب للمواضيع (اضغط هنا تختفي المعلمة ) ههه كانوا راسيمين دائرة وقال بالتوفيق لبنات التوجيهي لأنو كنا بصف توجيهي وانا كتبتلهم سؤال على اللوح كان في شلة اغبياء ساكنيين في شقة وكل اسبوع بيطلعوا واحد من الشقة ليش ؟؟)
وكتبت الجائزة :مجافأة والممول للجائزة :ضحى نور ربا احنا الثلاثة كنا نكتب
المهم كل البنات يحاولوا يجاوبوا والي كانت تعرف الجواب بالطباشير على وجهها ولهيك لحتى كل الصف صار يعرف الجواب بعد ما كانت بنت وحدة او بنتين الي بيعرفوه :والجواب كان (بيقلدوا ستار اكاديمي )هههههههه
المهم هادا الحدث آخر شي السؤال كان مبارح لانو كنت متساهلة شوي اما اليوم ما كنت قادرة التهي بسبب الكيميا .

وكل عام وانتم بخير .
الى اللقاء في السنة القادمة ان شا ءالله .
الا اذا صارت احداث وقت ما بنقدم الامتحانات النهائية .

ههههههههههههههههههههه
المدارس بازت ياقدعان
هيا دي بئت مدارس

هههههههههههههههههههههههههههههه يوم حلو كلو دراسة يا ويلي هههههههه
ان شاء الله الأولي يا أميرة
علي المدرسة شو علمدرسة
ما نخليها علي فلسطين قولي ان شاء الله

شباب ضد الثانوية وهي دي حياتنا وحتفضل ذكرياتنا بطريقتنا لغتنا كلامننا افهمنا ركز معانا واسمعنا بحياتنا
تحياتي (شباب ضد الثانوية)

الله معاهم الشباب
ايدينا بايدين بعض
لا للمدااااااااااارس
نعم للصيااااااعة

هههههههههههههههههههههههههههه فضحتنا الي بصيع من تحت لتحت مو علناا

ياراجل الدنيا اخر السنة
ما حدا بيدقق
سلامي