(دمعة قهر) علي كرسي الأعتراف..............

[img:c55f]https://shamer-wel7ak.ahlamontada.com/[/img]
مَسَائُكُمْ / صَباحُكمْ ..
بـِ رُوحَ الحُبْ / الْعَطاء .. والوِدْ .: ..!
يَتَجَدَدُ بِنَا الْفَرَحْ والْبَسْمَه .. والْحُبْ ..!
بـِ عَطَاءٍ فَاقَ عَنَانَ الْسَمَاءْ
لـِ يُصَافِحَ اَكُفَ الْغَيمْ ..!
بـِ قَطَراتِ مُزُنْ تَروِي
الْقُلُوبَ والاَرْواح ..!


سنجتمع هنا كما اعتدنامحملين بقلوب ملؤها الود والإحترام
قلوب لا يجمعها إلا الخير بإذن الله ..
لـــنكـــشف معاً عن شخصية احد نجوم
امـــ ضيفتنا لهذا الاسبوعـــ....
ليست كا اي ضيفهــ...
فضيفتناا لهاآ نورقــ خااصـــ...


وامـــ وردودهاآ ومواضيعهاآأ المطروحهـ بعنايه وتنسيق رائعــ
وابداع قلمها
وطيبه قلبهاا الصغنون
وسنترتهاآأ الدائمهـ
وقربهاآا لقلبي
وامــ واحس لو اقعد من اليومـ لبكرهـ امدحـ فيهاآأ مابوفيها حقهاآأ..
ووهـ بس فديت قلبك ياابعدهمـــ....
واامــ وضيفتناآ لهذا الاسبوعــ.. ..
دمعة قهر


فأهلاً وسهلاً بـكِ دمعة قهر
كرسي الإعتراف"
وقبـل أن أتركك مـع اسئلـة "الاعضاء"
تفضلي
أنا بدي أسئل كم سؤال ما راح طول كتير لأفسح المجال للأعضاء
ويا ريت كل عضو ما يكتر أسئلة حتي يتيح الفرصو لكل عضو يسأل
(لا تزعلو مني)
أسئلتي..........
1:أترغبين الزواج بمن تحبي
2: هل تعرفين محبوبك جيدا
3:كلمة تحبين سماعها من محبوبك
4:شعورك عندما تكتبين الخواطر
5:ايجابيات وسلبيات محبوبك
6: هل يمكنك أن تضحى بحياتك من أجل من تحبي؟

7:....... ولا بكفي لأنو اذا ضليت أسأل ما راح خلص وما راح افتح مجال لغيري لهيك أتركك مع الأعضاء
وبعدين متشوقين لألك الأعضاء
تفضلو سلمتلكم البنت علي بركة الله
وخدو بالكم عليها بوصيكم ها يعني قدر الامكان تحرجو وتسألو والي رجعة ان شاء الله

::
بس يا ريت ما تكون فيها هاد الرمز اوك ديالا
هههههههههههههههههه يلا ان شاء الله تنبسطي بالكرسي
ملاحضة(الكرسي صنع يدي)
ههههه

اول شي شكرا كتيير مؤمن للترحيب الحلو والاكثر من رائع فتحت نفسي على الاجابة هههههههههههوبعدين ما تحكيلي ما تكتبي هالرمز هادا مهم كتيير بكرسي الاعتراف خصوصا ما بستغني عنو .ههههههههه
وهلأ راحح بلش جاوب :

أترغبين الزواج بمن تحبي

من غير سؤال هالشي أمنية حياتي وبس .



هل تعرفين محبوبك جيدا
انا بحس حالي بعرفوا احيانا بكون عارفة شو بدو يحكي من قبل ما يحكي بعرفوا بحدود علاقتي معاه يعني يمكن ما بعرف كل شي ما بعرف كيف بتكون عصبيتو او كيف بيكون زعلوا لاني والحمد لله ما شفتو ولا مرة زعلان او معصب وان شاء الله ما بشوفوا يا رب بيضل دايما مبسوط وفرحان .
واكتر شي يعني يمكن بيعجبني بعلاقتنا انو فاهمين بعض .


كلمة تحبين سماعها من محبوبك
يا الله لازم التخجيل يعني بحب اسمع كلمة ب...وكلمة نقاط نقاط نقاط هههههههه هو بيعرف معناها على فكرة كل كلامو حلو وبحب اسمعو دايما .

:شعورك عندما تكتبين الخواطر
بكون مبسوطة كتيير وفرحانة وانا عم بكتب وخصوصا اذا كنت عم بكتب عن شي بيخص الشخص الي بحبو احيانا اذا كنت زعلانة بكتب عن الشي الي بيزعلني بس غالبا ما بمزع الورقة بعدها لانو بتكون عن الشخص الي زعلني وهيي ما بتصيير كتيير بس يمكن مرتين عملتها كنت كاتبة عن اهلي لما مرة ماما خنقتني بقصة الدخلو على النت .



6: هل يمكنك أن تضحى بحياتك من أجل من تحبي؟
اه طبها انا مستعدة اضحى بروحي وعمري وقلبي وعيوني كرمال الشخص الي بحبو لانو بيستاهل حتى أكتر من هيك .

باقيلي سؤال بدو شرح كتيير ان شاء الله بجاوبوا لما ادخل مرة تانية .

ومع اجابة آخر سؤال بهالمجموعة :
:ايجابيات وسلبيات محبوبك
بالنسبة للايجابيات فهيا كتييرة كتيير وما بيكفي هالمكان لأحصرها بس بذكر بعضها انا اكتر شي بيعجبني فيه انو صريح وصادق وطيوووب كتيير ومتسامح وبيحب من قلبو صادق بمشاعروا مخلص بحبو ما بيحب المجاملة مستعد لتقبل النصح والارشادشخصيتو قوية ومرحة أكتر شي بيعجبني فيه انو فاهمني وبيحاول دايما يخليني مبسوطة ومرتاحة وبيقدر مشاعري وما بيزعلني وفاهمني ودايما بيششجعني لكل شي حلو وفيه مصلحة لايلي بدراستي بقرأتي بكل شي ديما بحسو واقف جمبي وبيستنى مني أطلب منو طلب يعني ايلو ايجابيات كتيير
اما بالنسبة للسلبيات فبنظري انا ما في عندو اي سلبيات لحد الان ما اكتشف اي شي والي بيحب شخص ما بيشوف فيه شي مش حلو .

شكرا مؤمن للأسئلة وانا بانتظار المزيد .

واو ما أحلي أجوبتك يا ديالا
اي ترحيب هاد لك هاد أقل شي بنعملو لألك
ههههه أجوبتك كتير حلوة وصريحة والله مع الخجل هههههه
نيالو حبيبك فيكي
في سؤال بدي أسئلو هلأ عنا 4 جاجات و5 ديوك و3 بقرات و2 حمار....
كم عدد الأرجل لكل حيوان(الله يعزك)
وانتظري المزيد

هههههههههههه شكرا مؤمن

هلأ هادا السؤال بالرغم من انو سهل شوي بس في ايلو احتمالين اذا انت كان قصدك الارجل بس بيكون مجموع كل الارجل :28
اما اذا كانت الارجل شاملة يعني مثلا للبقرة الاربع أطراف لايلها بيكون العدد 38 ههههههههههه ما بعرف انت احكيلي شو الي بدك اياه بالضبط .

هههههههههههههههههههههههههههههههههههههههههههههههههه والله البنت بتحسب وبتعد
ههههههههههههههههههههههههههههههههههههه يلا منيح منيح شكرا لأجابتك يا بنتي

هههههههههههههههههههههههههههههه البقرة الها أربع أطراف هههههههههههههههههههههه

ههههههههههههههههه شايفني متعلمة الالتزام بكل شي
طبعا لازم أحسب وأجاوب لانو سؤال وانا قاعدة على الكرسي بس لا تعملها تاني مرة لأني زهقانة الرياضيات بالمدرسة .ههههههههههه

هههههههههههههههههههههههه
هلأ وئت أسئلتي

2-باقة ورد لمن تهديها ...؟؟

3-5- شخص لاترفض له طلبا ..؟؟
4- من هو توأم روحك ...؟؟
5-مالذي يشعرك بأكثر قدر من الحرج...
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
7-- من هو العضو اللي يستحق انه تقول عنه محبوب بين الاعضاء ؟
8-مين بنظرك بيعمل بجهد بالمنتدى

تحياتي

-باقة ورد لمن تهديها ...؟؟

بهديها لكل أعضاء المنتدى ولكل صاحباتي وأهلي واحبابي .

3-5- شخص لاترفض له طلبا ..؟؟

في أكتر من شخص بابا وماما وحاليا كمان مؤمن ما بحب فشلو .

4- من هو توأم روحك ...؟؟

طبعا مؤمن بحس انو معي بكل الاوقات .

5-مالذي يشعرك بأكثر قدر من الحرج...

لما مؤمن يحكيلي بحبك ويحكيلي احكيلي اياها او احكيلي وأنا كمان
انا بنحرج كتيير وبحكيلوا لبعدين

6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
طبعا بتمنى تكون من مؤمن .

7-- من هو العضو اللي يستحق انه تقول عنه محبوب بين الاعضاء ؟
أسيرة الحب

8-مين بنظرك بيعمل بجهد بالمنتدى

حاليا مؤمن وأسيرة الحب وأميرة فلسطين .

وشكرا أسيرة لأسئلتك وبنتظر المزيد من الاسئلة .

هههه يالله ما أحلي أجوبتك
شكرا يا ديالا علي هلأجوبة الصريحة
والحلوة ههههههههههه الله يخليلك مؤمن يا رب
وجاييكي بلأسئلة

طيب يا ديالا معلش والله بعرف الوقت مش وقت مواضيع
وما بدي أفتحلك مواضيع تشغلك !بس
اعذريني في سؤال محيرني وشاغل تفكيري
أكثر من أسبوع وما بخليني أنام
طول الليل؟
بسألك جاوبيني بصراحة ولولا معزتك بقلبي ما سألتك
الطيارة إلها زمور؟

هههههههههههههههههههههههههه
يا ربي من يا مؤمن
مرسي حبيبتي كتير ديالا على الاجوبة الرائعة
وانشالله تكون مو مجاملةانك حكيتي أسيرة الحب

لأ ولو يا أسيرة والله ما هي مجاملة انا والحمد لله بحب الصراحة وصريحة بكل شي
وشكرا كتيير لإسئلتك ولمشاركتك يا أسيرة واذا حابة تسألي أي سؤال بالخدمة انا والله .
هههههههه بدي أطنش مؤمن شوي

وأسيرة على فكرة توقيعك حلو كتيير بيجنن رائع
بعرف بدك تحكيلي مقدم وانا بحكيلك شكرا كتيير الله يخليكي يا ربي .


ههههههههه هلأ أجى دور سؤال مؤمن والله يا مؤمن انا مش خبيرة طيارات ولا اني راكبة طيارة قبل هيك لحتى اعرف اذا فيها زمور أو لأ على حد علمي انت بتطير دايما جاوبني انت وانت تكون تطير بالخيال يعني بتشوف شي زعجك وانت عم بتفكر متل صوت زمووور يعني هههههههههه انا من عني ما بيزعجني شي يعني طيارتي ما فيها زموووووووووور .

سلاااااااااااااااااام يا حلوين .

هههههههههههههههههههههههههههههههههههههه ماشي ماشي يعني قولتك أسئل حالي فيها ولأ لأ
لأني بطير ههههههههههه اخ منك بس علي ما أظن فيها زمور كل شي فيه زمور حتي بسكليتي
فيه زمووووور ههههههههههههه
شكرا لردك

انا من وجهة نظري انو الطيارة ما في ايلها زمور يعني لمين بدها تزمر بالجو للعاصفير مثلا ؟؟ههههههههه بنسأل خبير طيارات .

ههههه لا يا وطن الها زمور وقت ما تنزل المطار هع هع هع هع

ما تعبتي لسا من الأسئلة يعني ما بدك عصير ولا كافي لتريحي شوي اه ههه
تفضلي أسئلتي أحسن
1:لونك المفضل ورقمك ؟
3:شو نوع موبايلك
4:متي بكيتي أخر مرة ؟
5:ممكن نعرف نوع العطر بتاعك ؟كنت بدي أسئلك اذا بتحطي جل ولا لأ هههه (بمزح)
6:أغلب طلعاتك ونزلاتك غير المدرسة
7:أكثر جلساتك غرفتك ؟
8:هل تحبي المدرسة ؟
9:هل تتمني أوقات ان تكوني ولدا ؟ هههه
10: مممم بطتنا بطت بطتكم لكن بطتكم بطت بطتنا مين انبط من البطات بطتنا ولا بطتكم ........!!
وانتظري المزيد
وتحياتي لألك وأجملها لألك

ههههههههههه
تسلمي يا عمري ع صراحتك اللي كتير حلوة
وبعدين حبيبتي لا شكر على واجب
وانشالله جاييكي بالاسئلة
وعفكرة عيونك الحلوة والله
وأكيد مقدم وانا بحكي جد ويخليكي يا رب
تقبلي مروري ولو انها متأخرة

:لونك المفضل ورقمك ؟
اللون المفضل عندي الازرق
والرقم ما في رقم مفضل بس بحب 3-4-11-15

3:شو نوع موبايلك

ما في ايلي موبايل محدد بيختلف أحيانا نوكيا أحيانا سامسونج أحيانا lg على حسب .

4:متي بكيتي أخر مرة ؟

مش من زمان بس أكتر مرة بكيت فيها ليلة ما كنا بدنا نروح رحلة المدرسةما بعرف بكيت كتيير وقتها وبعدها يمكن مرة او مرتين كنت بكون متدايقة شوي.

5:ممكن نعرف نوع العطر بتاعك ؟كنت بدي أسئلك اذا بتحطي جل ولا لأ هههه (بمزح)
هههههههه انا بعالعادة ما بحط عطر بس في عطر بحبو كتيير عجبتني ريحتو اسمو beutiful كتيير حلوة ريحتو بالنسبة للجل مرة كنت بدي اثبت شعري وحطيتو بس ما عدتها ومش عارفةاسمو .


6:أغلب طلعاتك ونزلاتك غير المدرسة

عند عمتي دار عمي بس من زمان ما طلعت طلعة متل الناس اذا عند خالاتي .

7:أكثر جلساتك غرفتك ؟

انا بحب أجلس بمكان وخصوصا بالبيت ما فيه حدى بغرفتي بيكونوا خواتي الصغار اغلبة جلساتي ودراستي بالصالون بس اذا كانوا بالصالون بكون بغرفتي هههههههههه .

8:هل تحبي المدرسة ؟

بصراحة انا المدرسة مش بس بحبها بعشقهابحب وقت ما بكون مع صاحباتي وبصفي بس المشكلة انو المعلمات بكترة الامتحانات بيخلوني نكره المدرسه وخصوصا هادي السنه انا مش مسدقة متى تيجي العطلةبس بنفس الوقت مش مستعجلة لانو بكون قربت عالتوجيهي .

9:هل تتمني أوقات ان تكوني ولدا ؟ هههه

سؤال وجيه وانا كنت صغيرة كنت اتمنى اني أكون ولد بس هلأ بحمد الله اني بنت .

10: مممم بطتنا بطت بطتكم لكن بطتكم بطت بطتنا مين انبط من البطات بطتنا ولا بطتكم ........!!
بطتنا وبطتكم بس بطتنا ما ماتت أنا عالجتها بطتتكم راحت فيها هههههههههههه

شكرا للأسئلة وبانتظار المزيد .

هههههههههههههههههههههههههههههههههه حلوين أجوبتك
بتحبي المدرسة شي حلو
وبطتنا راحت فيها
يا مصيبتي
علهموووووووووم مشكورة للصراحة وانتظري المزيد

عفوا لا شكر على واجب .

شكرا لإجاباتك دمعة وهلأ بتركك مع كم سؤال محرجات شوي :

س1)عمرك حكيتي لمؤمن كلمة بحبك؟او سمعتيها منو ؟؟أكيد سمعتيها كتيير

س2)لو ما انك كاينة حاكيتيها من قبل بأي وقت ممكن تحكيها ؟؟

س3)عمرك ندمتي على قصة الحب الي انتي عايشاها هلأ ؟؟

س4)لو كانت نهاية قصة حبكم (لا قدر الله ) الفراق يمكن مش لمشاكل يمكن بسبب البعد او ما كان بيناتكم نصيب بالمستقبل وشفتي بعديها مؤمن شو بتحكيلو ؟؟

س5)أكتر شب بتحبيه بمؤمن ؟؟

س6)كل شخص لما يدخل قصة حب بتدخل عدة تغيرات على حياتو او بيتصرف تصرفات ما كان بيتصرفها قبل هيك وممكن تكون جنونية يا ترى شو تصرفاتك ؟

س7)لما بتكوني زعلانة ومقهورة من شغلة مين أول شخص بيجي ببالك تكلميه؟

سشو أكتر شي بيدايقك بقصة هالحب او ممكن انو يأثر عليكي ؟؟

س9) اول ما تصحي من النوم شو اول شي بيخطر ببالك ؟؟

س10)انتي حبيتي مؤمن قبل والا هو الي حبك ؟؟

وانتظري المزيد من الاسئلة .

شو هالاحراج هادا كلو الله يستر بترككم مع الاجابات :

س1)عمرك حكيتي لمؤمن كلمة بحبك؟او سمعتيها منو ؟؟أكيد سمعتيها كتيير

سمعتها منو سماعيا بالصوت مرة وحدة غير حبيبتي اما بالكتابة كتيييييير
انا ما حكتلو اياها الا اول ما عرفتو حكتلوا وانا كمان ب...هيك وما كملتها .

س2)لو ما انك كاينة حاكيتيها من قبل بأي وقت ممكن تحكيها ؟؟

هلأ انا ما حكيتها وهو بينتظرها مني دايما بس انا ما بقدر احكيلوا اياها قبل ما يصير اي شي رسمي بيناتنا اذا الله كاتبلنا بالمستقبل مثلا خطبة او زواج اما اذا ما صار هالشي وتقدرنا الفراق بحكيلوا اياها بلحظة الفراق .


س3)عمرك ندمتي على قصة الحب الي انتي عايشاها هلأ ؟؟

عمري ما فكرت بالندم بس احيانا بكون احكي انو انا لازم او يمكن ما اكون وافقت من البداية على هالقصة لمصلحة مؤمن لأنو هوى بغزة وانا بفلسطين وأعطيه أمل مستحيل وبالنهاية ننجرح نحنا الاتنين بس بعدا برجع وبحكي قدر ومكتوب وتفائلوا بالخير تجدوه وان شاء الله خير .

س4)لو كانت نهاية قصة حبكم (لا قدر الله ) الفراق يمكن مش لمشاكل يمكن بسبب البعد او ما كان بيناتكم نصيب بالمستقبل وشفتي بعديها مؤمن شو بتحكيلو ؟؟

بو كان نصيبنا نفترق بسبب البعد :
بحكيلوا انو لو انا عشت بعد هالدنيا ب1000 دنيا وبكلمرة خيروني ارجع احبك من أول وجديد او استغني عن حبك وبكل مرة بحبك فيها بنرجع وبنتفرق بسبب البعد لأختار اني ارجع احبك بكل دنيا من هال1000 دنيا حتى لو افترقنا 1000 مرة المهم اني كون شفتك وعرفتك وحبيتك بكل مرة .
وعمري ما راح اتندم على هالقصة يا مؤمن .

س5)أكتر شب بتحبيه بمؤمن ؟؟

أكتر شي بحبو بمؤمن كل شي .

س6)كل شخص لما يدخل قصة حب بتدخل عدة تغيرات على حياتو او بيتصرف تصرفات ما كان بيتصرفها قبل هيك وممكن تكون جنونية يا ترى شو تصرفاتك ؟

هههههههههه والله الي بيشوفني احيانا بيحكي عني مجنونة مثلا اضربلك امثلة من تصرفاتي لما بكون طالعة على درجات بيتنا بقضيها على كل درجة (بيحبني .,بيحبنيش ...بيحبني ,بيحبنيش...؟؟)لحد ما أوصل على آخر درجة اذا كانت بيحبني بحكي اه صح اذا كانت بيحبنيش بحكي شكلي غلطت بالطلعة او غلطت بالحكي ههههههه ويا حبيبي لو حدى شافني علىالدرج باكل هوى

غير هيك انا تعودت لانو كل ما اكون احكي مع مؤمن اذا بكون آكل شغلة بحكيلو مؤمن تفضل كل معي فكل ما آكل شغلة يعني بأغلب الاحيان بحكي يلا هاي عني وعنك يا مؤمن
وكمان لما اتذكر مسجات مؤمن او كلامو بصير اضحك لا ارادي وما بعرف امسك حالي واحيانا بكون قدام خواتي واذا شافوني بصير احجج اني تذكرت نكتة او بنت بالصف وبألفلهم قصة او بحكيلهم قصة مرت عليي من قبل بس طبعا بتكون مضحكة .


س7)لما بتكوني زعلانة ومقهورة من شغلة مين أول شخص بيجي ببالك تكلميه؟

والله بيجي ببالي احك مع مؤمن اول واحد بحس حالي احيانا ماسكة الجوال ومستعدة اتصل عليه واصير اعيط اعيط اعيط لحتى اهدى او على الاقلية احكي حكي معاه برتاح.

سCoolشو أكتر شي بيدايقك بقصة هالحب او ممكن انو يأثر عليكي ؟؟

ما في شي بيدايقني غير البعد الي بيناتنا وخايفة من المستقبل كتيير وخايفة اني افقد مؤمن فيوم من الايام .

س9) اول ما تصحي من النوم شو اول شي بيخطر ببالك ؟؟
من قبل ما كنت بذكر شو كان بيخطر ببالي بس ايلي فترة اول ما فتح عيوني ما بشوف حالي الا عم فكر بمؤمن يمكن لاني اصلا بنام وانا أفكر فيه


س10)انتي حبيتي مؤمن قبل والا هو الي حبك ؟؟

للصراحة هوى حبني قبل انا اول ما حكيت معاه ما كنت متوقعة انو الامور توصل بيناتنا لهالدرجة واني احبو صحيح انولما اول مرة حكيت معاه كان فيه احساس غريب وضليت متذكرة كلامو حتى لبعد فترة طويلة بس بعدها رجع وضافني وحكينا كمان مرة ومن وقتها اعترفلي بحبو هوى بالاول.

شكرا ليكي ملكه للأسئلة وبيتهيئلي هيك فرحتي لمؤمن كتيير .

بدكو الصراحة فرحتني كتير ملكة هههههههههههههه
لا وأحلي شي بحبني بحبنيش ههههههه والله بجد مؤمن مأثر عليكي مو طبيعي
أجوبة كتير حلوة ومن قلبي فرحت والله هههههههه
وانا أنتظر منك سماع كلمة ب... ان شاء الله وبدعي وبتمني من الله تكوني نصيبي
وشكرا لملكة مو لألك انها سألتك أسئلة متل هيك ههههههههه
وانتي كمان مشكورة للأجوبة الصريحة والمضحكة بحبني بحبنيش ويا ريت تحسبي حسابي بالغدا بكرا بتاكلي عني هههههههههههههههههههه
تحياتي لكي
بدي أسئلك
هلأ سعيد وعيد طلعو للشجرة نزل سعيد مين ضل ؟