(دمعة قهر) علي كرسي الأعتراف..............

يسلمو يسلمو مؤمن للقعدة الحلوة ووالله الكنبة مريحة اشحنلي اياها على فلسطين ههههههههههه
والعصير زاكي كتييير والكيوي أول مرة بدوقو وبما انو منك بيشهي واه هادا الاسود لو مش صودا كولا بيكون العصير الي حكتلك عليه التمر الهندي والبوظة زاكية بس الشوكولاتة ما بتقدر تخليها mars لاني ما بحب السنكرز المحشي كلو ما بحبو كتييير

وهلأ بجاوب :
:أجمل سنوات في عمرك؟

فيه كم سنة يمكن وانا بخامس وانا بعاشر وهادي السنة كانت كتييير حلوة ومميزة صار فيها أشياء كتيير غريبة معي ومنها ما كنت متوقعتها وتعرفت على ناس جداد وكونت صداقات وهادي السنة الي عرفت فيها مؤمن كانت كتييييير حلوة عمري ما راح انساها .


2:شخصيتك عصبية رومانسية لا ده انتي خجولة اعرف هههه؟

هههههههه مش عصبية كتيير ولا رومانسية كتيير بس خجولة كتييييير بس مع الكل يمكن بس مع مؤمن بحس اني خجولة زيادة .


3:أجمل بلد زرتيها؟
انا ما زرت غير السعودية والاردن بس بيتهيئلي التنتين حلوات ويمكن السعودية أحلى .

4:ما هو مثلك الأعلي؟

أكيد بابا وماما ومعلماتي
ومؤمن تعلمت منو كتييير أشياء .

5:ما الذي يغظك؟

كتيير أشياء خصوصا الشغل بالدار ما بحبو
انو ما يكون معي كرت بالجوال اااخ شو بنقهر لاني بحب اضل مسج
بيغيظني افتح النت وما الاقي مؤمن داخل بس لما يدخل بيروح كل شي

6:أفضل شخصية في رأيك؟

الشخصية الواعية المأدبة الخلوقة الملتزمة الي همها سعادة الناس أكتر من سعادتها بيهمها سمعتها لهيك بتحافظ على حالها الشخصية الي ما بتحب الناس تزعل منها ,المرحة والبشوشة الضحوكة
وفيه كتيير صفات .

7:عضو نفسك تلطعيه كف هههههههه يا رب مو انا ههه؟
هههه مين ما فيه حد بس ممكن الطخك كف نعووم اول ما شوفك لانو راح يكون وقتها شو اول مرة بشوفك قدامي وبنفسي اعمل شي ههه فهيك كف نعوم ما بيوجع وبحكيلك من زماااااان .

8:عضو جذاااااااااااااااااااااااااااااااااااااااااااااااب؟
عضو ؟أكيد ميمو
عضوة ؟الكل لانو كل البنات ما شاء الله عليهم

9:صفي نفسك بكلمتين؟

بحالة حب ههههههههههه
مش عارفة شو بدي احكي هيك بيكفي

10:اخر شي بتتذكري قبل ما تناممي؟

أنا عارفة يكون فيه حد بعقلي وبكون فكر فيه فكر فيه فكر فيه لحد ما نام وانا عم فكر فيه وبيكون آخر واحد عم فكر فيه واحيانا بحلم فيه كمان

11:جريمة تتمني ترتكبيها ان عني سرقة بنك ههههههههههههههه ؟

اذا هيك بكون معك ههههههه

12:شخص لطالما حلمت به ؟

انت,بهالايام كتيير بحلم فيك

13:كلمة تودي سماعها كل يوم؟
-دودو
*نعم
-دودو
*نعم
-بحبك


hhhh
14:موقف مضحك جدا ؟
موقف مضحك استنوا اتذكر.........مممممممم
اه كان اول مرة حكيت فيها مع مؤمن حكينا شوي بعديها بيسألني بتروحي عالبحر حكتلوا لأ حكالي طيب اطلعي علىالسطح وانا جاي آخدك بطيارتي الخاصة وراح آخدك على البحر وانا حكتلوشو بعرفني انك انت بدك تشاورلي بشي يمكن حكالي وقتها انو اه راح شاورلك بشارة حمرا
وكل ما اتذكر هالموقف بفرط ضحك .

15:مواصفات المحظوظ شب أحلامك ههه؟هه

يكون ماشي على شرع ربنا وما بدي أكتر من هيك يعني لما يكون ماشي على الدين أكيد راح يكون مربى وأخلاقو عالية وراح يخاف عليي ويكون حقاني معي وما راح يظلمني وراح يسعدني بحياتي لانو هيك ديننا .

16:هدية عزيزة عليكي ؟

بصراحة انا الهدايا الي منك الرسمات الي كنت راسملي اياهم بعزهم كتيير فيه بعض تذكارات من صاحباتي عزيزات علي كمان

17:أهم الأهداف نفسك تحققيه؟ا

اول هدف النجاح بحياتي وهادي شاملة لكل اهدافي انو اول شي احقق حلم اهلي بالتفوق بدراستي واني ادرس الي بيفرح اهلي وبعدي ربنا يحققلي امنيتي بالحياة وأشوف مؤمن واكون انا لمؤمن ومؤمن ايلي انا وبس قدرني اني ازور غزة ولو لمرة وحدة لانو هادي أكتر منطقة نفسي ازورها بس بشرط أشوف مؤمن هناك .

18:ما هي أحلي كلمة قيلت لكي؟

بحبك

19:انا بحبك كتير لمن تقوليها؟
لبابا وماما واخوتي ولكل صاحباتي
ولواحد اسمو ميمو

20:انا بغير عليك ؟

لمؤمن طبعا

21:انا بعشقك موت لمن ؟

ممممممم لميمو

22:أما زلتي تحبينني ههههههههههههههههههههه؟
هههههههه شو رأيك انت
اه وأكتر من اول كمان

وانتظري المزيد من الجهد والاهتمام شو جهد وهتمام انتظر مزيد من الأسئلة
سلامو وان شاء الله تكوني نبسطي مع عصير الكيوي

اه كيفت مع الكيوي والبوظة وانا بالانتظار .

هههههههههههههههههههههههههه راح جبهلك معايا لا تخافي
شكرا كتير اجوبي كتير فرحت فيها والله شكرا للأجابة بالصراحة
وبعدين دخيلو انا شكلو الكرسي بيحرك مشاعرك وأحاسيسك شوي ما بسمع كلام متل هيك وقت ما احكيكي اه ااااااااااااخ منك شكرا دودو دودو دودو دودو بحبك هههههههههههههههه

وبعدين شكلك بتنسي الشالة الحمرا ههههههههه اطلعليلي علي السطح وشاوريلي بشي أحمر
والله مو لازمك احمر انتي بحكيلك بحبك خدودك بيصيرو صلصة ههههههههههههههه
وبعدا اوقفي للسطح وبنزللك للبحر

طولنا عليكي
أجوبتك كتير رائعة شو رايك بكمان
يلا كملي
1:أبرز عقاب مر عليكي بالمدرسة
2:موقف محرج بالمدرسة
3:هل حدث شجار معك في المدرسة
4:قولك بيتغير الحب بعد الزواج
5:أيهما أخلص الشب أم البنت
6:هل الحب عبر الأنترنت وغرفة الدردشة؟ بمعني أن تحب شخص لمجرد معرفتك لأفكاره بدون معرفة شكله وصوته؟
لوحبيتي تعملي عرس زفافك بتحبي تعمليه علي الطريقة الشعبية ولا طريقة القاعات7: والحكي كلو هاد ؟
8:صفي حبيبك بكلمتين
9:هدية تتمني أن تقدم لكيظ
10:أكتبي جملة بدون حرف الألف ولا تقل عن 4 كلمات؟
11:شو الي فخاطرك بهالحظة؟
12يا ورد من علمك تجرح ...لمين توجهي هذه العبارة؟
13:لا أسمع لا أري لاأتكلم متي تطبقين هذه المقولة في حياتك؟
14:نصائح ل5 أعضاء تختاريهم؟
15:ملحوظة لاحظتيها علي عضوة وما هي ومين العضوة؟
16:ما هي التجربة التي تتمني تكرارها ؟
17:العضو الذي يستحق ان تقولي عنه محبوب بين الأعضاء
18:برنامجك اليومي ؟
19:رأيك بالزواج من خلال كلمتين؟
20:لك واحد منا متاعب ومشقة في حياته أكيد انتي في الك منهم شو هم ؟
21:كلمينا عن شيئ علمتيه في حياتك وتفتخري به ولا يمكن نسيانه ؟
22:ماذا يعني لك أدم؟
23:شو رايك بكرسي الأعتراف
24:أجمل لقب أو عبارة وجهت لكي ؟
25:عضو ملك القلوب؟
26:عضو غامض ؟
27:كنتي في برنامج من سيربح المليون وتريدي أن تتصلي بصديق تختاري مين الأعضاء خدي بالك موبايلي مغلق ؟
28:العضو المسيطر ؟
29:قسمك المفضل ؟
30:منتدي تحبيه غير شمر والحق ؟
31:زوقك ايه في مشاهدة الأفلام ؟
31:غمضي عيونك دقيقة واحكيلنا شو خطر ببالك ؟
32:لمن تهدي حبك دائما ؟
33:طلب منك ان تخرجي من البيت وتأخذي شيئ معك ما هو ؟
34:شو كنتي تعملي قبل ما تفوتي للمنتدي ؟
35:شو نظرة دمعة لمستقبلها ؟
36:ماذا تعترفي وتقري لنا الأن ؟
38:أجمل اغنية سمعتيها ؟
39:اغنية حافظتيها من ايام الروضة ؟
40:احكيلنا نكتة بس تكون تضحك واذا ما ضحكنا راح خليكي تحكي نكت لما نزهق ونشبع ضحك ؟
41:انا هلأ راح أكتبلك صفات وانتي حطي العضو المناسب ؟
قلم رائع
قلم نشيط
قلم جميل
قلم ذوق
قلم كسول
قلم رهيب
قلم مستهتر
قلم مرجوج
42:تم دعوتك في حفلة تنكرية . شو الشخصية التي تحبي ارتداء ملابسها ؟
43:الأحساس الي بنقص دمعة بهالأيام ؟
44:ليش اخترتي لقب دمعة لتشاركي فيه ؟
45:عضو تهديه هدية وشو هيا ؟
46:عضو ارتحتي الو من اول ما شفتي اسمو بالمنتدي ؟
47:ما هو الشيئ الذي لا تقبلي المزاح به ؟
48:ماذا تريدي ان تشتري مكافأة لصاحب الموضوع ؟؟ احم احم
49:ما هو السؤال الذي تحبي ان تسألي عنه ولم تجدي من يسألك عنه ؟
50:ما هو السؤال الذي لا تحبي الاجابة عليه ؟
51:كلمات غالبا ما تترك علي لسانك ؟
52:أجمل هدية تلقيتها في حياتك ؟
يلا بكفي هلأ لهون ونكمل بكرا شو رايك ههههههههه
جاوبي بصراحة يا بنت

ممممم وانا كمان يا أسيرة بدي اضيف اسئلتي اتأخرت عليكي شوي بس والله كنت مشغولة ما بدي اطول عليكي وأتركك مع الاسئلة:
*تتذكري اول مرة حكيتي فيها مع مؤمن قديش كان التاريخ؟؟

*لو تفرقتوا انتي ومؤمن لا سمح الله بتفكري بالمستقل بشي تاني ؟؟
*لو شفتي انو بعدك عن مؤمن لمصلحتوا بتبعدي...؟؟
*نسبة حبك لمؤمن ....؟؟
*لو القدر ما كتبلك انتي ومؤمن انو تكونوا لبعض
(لا قدر الله) يا ترى بتزعلي لو تشوفي او تسمعي انو مؤمن ارتبط ببنت غيرك ؟؟
*اطلبي طلب من مؤمن....؟؟
*بتحبي اغاني الراب ؟بتسمعيها؟وشو رأيك فيها ؟؟
نمط الاغاني المنفضلة عندك؟؟

*أكيد كل بنت بتفكر بيوم زفافهاويوم ما تلبس البدلة البيضا يا ترى كيف كانت احلامك عن هاليوم وانتي صغيرة وهلأ تغير والا كيف...؟؟
*شو الاغنية المناسبة لكل من .....:
-غنية بتخبري فيها مؤمن انك مستحيل تنسيه....؟؟
-غنيةلأخوكي بيوم عرسو (ان شاء الله)......؟؟
-لو زعل منك مؤمن بيوم من الايام .....؟؟
-لو شفتي دمعة مؤمن نزلت ......؟؟
-لو مؤمن غدر فيكي بيوم من الايام .....؟؟(لا قدر الله)
-نغمة لجوالك.......؟؟
-نغمة الرسائل .......؟؟
-طلب منك مؤمن تذكريه أول غنية هداكي اياها بداية حكيكم مع بعض .......؟؟
-لصديقة او قريبة بعيد ميلادها .....؟؟

بتمنى ما أكون تقلت عليكي بأسئلتي ويلا جاوبي الله بعينك .

يا حبيبي كل هادا اسئلة عيشتوني على الكرسي والله طيب ماشي انا راح جاوب بس شوي شوي وراح بلش :

1:أبرز عقاب مر عليكي بالمدرسة

كان وانا بصف رابع بالفرصةلما صفينا كنت انا وصاحبتي صافين آخر شي المهم كان صفنا ورى ما نحنا صافين يعني اول بنتين بيفوتوا على الصف انا والي معي المهم لما رن الجرس وصرنا بدنا نفوت انا وصاحبتي بنركض لحتى نوصل للصف شو كنا صغار الا معلمة بوجهنا كانت اكتر معلمة شديدة بالمدرسة الا بهداك الكف ايلي وللي مع يمكن كمان ويرن رن كان وااخ منو قال ليش داخلين بسرعة او قبل الصف الي قبلنا مش متذكرة كيف بالضبط بس هادي كانت اكتر معلمة بحبها من بعدما السنة الي بعدها علمتني .

2:موقف محرج بالمدرسة

يمكن نفس الموقف الي قبل لأ فيه واحد محرج أكتر كنا مرة انا واختي كمان بنت طالعين على درج المدرسة الي جم مدرستنا لحتى نوصل ملف لمعلمة هديك المدرسة وكانت مديرتنا مانعة اي بنت تطلع علىالدرج المهم نحن اضطرينا نطلع وقتها الا المديرة شافتنا والله تنادي عليها بالمايك وكانت بتعرفني وطقنا بهدلة قدام البنات الي بالساحة بس طبعا من غير مايك

3:هل حدث شجار معك في المدرسة

أكيد طبعا بيني وبين البنات كتيير

4:قولك بيتغير الحب بعد الزواج

مش دايما على حسب معاملة الزوجين بعد الزواج
بس بتوقع بأغلب الاحيان لأ .

5:أيهما أخلص الشب أم البنت

انا بتوقع البنت وأكيد الشب كمان بس على حسب ما واجهة حالات وسمعت البنت أكتر .

6:هل الحب عبر الأنترنت وغرفة الدردشة؟ بمعني أن تحب شخص لمجرد معرفتك لأفكاره بدون معرفة شكله وصوته؟

لأ طبعا هادا مش كل شي صحيح انو احيانا بيصير الحب بس عن طريق الحكي متلما صار معي انا ومؤمن بس طبعا لازم الصراحة بالموضوع يعني انت او انتي ما ورجيتيه شكلك على الاقلية تكوني صريحة معاه اذا عندك مشكلة او اعاقة او هيك شي يعني .
بس ممكن انو يصير .

لوحبيتي تعملي عرس زفافك بتحبي تعمليه علي الطريقة الشعبية ولا طريقة القاعات7: والحكي كلو هاد ؟

طبعا هلا ما عاد حد بيقتنع بالطريقة الشعبية الا بالقاعات وغيروا وغيراتو بس انا اتجوز الي ببالي وما بدي عرس مطنتن البس البدلة البيضا وخلص .

8:صفي حبيبك بكلمتين
نور عيني

9:هدية تتمني أن تقدم لكي؟

دبدوب مؤمن ههههههههه

10:أكتبي جملة بدون حرف الألف ولا تقل عن 4 كلمات؟

ذهبت ديدي لمكة مول ههههههههه

11:شو الي فخاطرك بهالحظة؟

اني احكي مع مؤمن وكنت عم بفكر بمكة مول لما رحت عليه بالاردن ههههههههه

12يا ورد من علمك تجرح ...لمين توجهي هذه العبارة؟

مممم يمكن لصاحبتي

13:لا أسمع لا أري لاأتكلم متي تطبقين هذه المقولة في حياتك؟

لما يكونوا بنتين مثلا عم يحكوا بشغلة مش المفروض اني اسمعها بعمل حالي ولا كأني سمعت وما بحكيها لحدىاو مثلا غيرهم يسألوني شو كانوا يحكوا بحكيلهم ما بعرف ما سمعت ما شفتهم الله اعلم .

14:نصائح ل5 أعضاء تختاريهم؟
أميرة :ديري بالك على المنتدى لانو حلو وايلي فيه ذكريات حلوة .
أسيرة الحب :تمسكي بالحب الي عايشتيه لانو ما فيه احلى منو وما تزعلي حبوبة منك وخليكي بطيبتك متل ما انتي
بحر الغرام :كملي مشوارك الي بديتي فيه بحياتك وتمسكي بهدفك وديري بالك على حالك وخليكي متل ما انتي طيوبة وبتحبي تساعدي .
مؤمن :دير بالك على دمعة وخليك معها وساعدها ووقف جمبها دايما وصارحها بكل شي وما تخبي عليها شي لانو اذا هي عرفت شي من حالها يمكن تزعل يعني المهم خليك هيك صريح معاها .
رئيس جمهورة نفسي :ارجع للمنتدى افتقدنا تواجدك ومرورك وردك وارجع لنشاطك متل اول وأكتر .

15:ملحوظة لاحظتيها علي عضوة وما هي ومين العضوة؟
بحر الغرام :لاحظت انها عضوة حبابة ونشيطة مثقفة ومتفهمة عندها حب لقسم الازياء والستايلات يمكن بتحب الموضة .

17:العضو الذي يستحق ان تقولي عنه محبوب بين الأعضاء

مؤمن .

18:برنامجك اليومي ؟
بصحى من النوم بيكون صا الفطور بدو يجهز واحيانا جاهز بيخلص الفطور على الشغل وليخلص الشغل بقعد على النت هادا كل يوم بعملوا من اول العطلة .

19:رأيك بالزواج من خلال كلمتين؟

حياة جديدة

20:لك واحد منا متاعب ومشقة في حياته أكيد انتي في الك منهم شو هم ؟


الشغل بالبيت
ساعات الانتظار لما بستنى مؤمن ما بطيقها بحسها اكتر شي بيتعبني .

21:كلمينا عن شيئ علمتيه في حياتك وتفتخري به ولا يمكن نسيانه ؟

اني قدرت اوقف يوجه اي حد تعدى علي او تجاوز حدودو معي ما سمحت لحدى يقل ادبومعي بالحكي او اصلا يتطلع عليي
اني احترمت اهلي ومعلماتي والي اكبر مني

22:ماذا يعني لك أدم؟

الشخصية الي كل حواء بحاجة لايلو بتشعر بالقوة بوجودوا بجانبها وما بتستغني عنو بحياتها .

23:شو رايك بكرسي الأعتراف

حلو كتييير الوحد بيشعر بالراحة وهو عم بيجاوب عليه لانو بدو الصراحة وحلو انو الواحد يشوف حالو صريح .

24:أجمل لقب أو عبارة وجهت لكي ؟

نور الشمس,ضي القمر ,برنسيتي ,ملكتي,أميرتي ,وطن


25:عضو ملك القلوب؟

مؤمن

26:عضو غامض ؟

سفينة الحب

27:كنتي في برنامج من سيربح المليون وتريدي أن تتصلي بصديق تختاري مين الأعضاء خدي بالك موبايلي مغلق ؟
ههههههه لا ما راح اتصل عليك وناقصني تحكي على الهوى اه ديالتي هلا كيف حالك وتوصل لأهلي بطريقة مباشرة وبكل سهولة لأ
بتصل على بحر الغرام .

28:العضو المسيطر ؟

أميرة ,مؤمن ,فراشة ,رئيس

29:قسمك المفضل ؟

الشعر والخواطر ,كرسي الاعتراف .

30:منتدي تحبيه غير شمر والحق ؟

صداقات ,احكي .

31:زوقك ايه في مشاهدة الأفلام ؟

بحب مشاهدة الافلام الي فيها كوميديا متل افلام احمد حلمي محمد هنيدي ,محمد سعد

راح كمل بعدين سلامو ,.

ههههههههههههههههههه بنستناكي يا حلوة
أجوبتك كتير حلوة وضحكت علي دبدوب مؤمن خلاص اعتبريه اول ما شوفك قدامي بجيبو معي هههههه بس بتديري بالك عليه لأنو عشرة عمر انا وياه عشنا الشتوية بس الصيف ما بنيمو بجمبي لأنو حر
أجوبتك رائعة يا ديالا كرا لألك كتيرووووووو

مرحبا يا أعضاء انا آسفة اتأخرت عليكم ومن زمان ما دخلت على المنتدى بس كنت مشغولة شوي
شكرا لإجاباتك دمعة وبتمنى تجاوبيني انا كمان على هالكم سؤال لحتى اكون انا كمان شاركت بهالكرسي:

س1-عمرك تخيلتي انك التقيتي انتي ومؤمن وجه لوجه وكيف كان تخيلك؟؟
س2-هل عمرك شكيتي انو مؤمن بيحكي مع بنات ؟؟(بدي احشدها عليك للبنت )هههههههههه
س3-بتغاري على مؤمن .؟؟
س4-عمرك عصبتي من مؤمن ؟؟
س5-عمرك فكرتي تعملي مقلب في مؤمن ؟
س6-عمرو كتبلك شعر او خواطر ....الخ؟؟
س7-انتي متأكدة انو بيحبك ....؟؟
وأخيرا انتي حكيتيلنا بدك تحكيلناقصتك انتي ومؤمن ليه ما حكيتها عم نستناها .
وشكرا .

هلا ملكة نورتي من زمان عنك
ان شاء الله راح جاوب هالاسئلة لحتى اخلص من مؤمن وأميرة
وقصتنا انا ان شاء الله راح احكيها بس ما فضيت بهالفترة وهيا طويلة واذا حابين تنزلوا كرسي جديد نزلوه وانا بحكي القصة بهديك الفترة .

moamenbatniji كتب:هههههههههههههههههههههههههه راح جبهلك معايا لا تخافي
شكرا كتير اجوبي كتير فرحت فيها والله شكرا للأجابة بالصراحة
وبعدين دخيلو انا شكلو الكرسي بيحرك مشاعرك وأحاسيسك شوي ما بسمع كلام متل هيك وقت ما احكيكي اه ااااااااااااخ منك شكرا دودو دودو دودو دودو بحبك هههههههههههههههه

ههههههههههه
رديت بوقت متأخر بس انشغلت اجاوب .

moamenbatniji كتب:وبعدين شكلك بتنسي الشالة الحمرا ههههههههه اطلعليلي علي السطح وشاوريلي بشي أحمر
والله مو لازمك احمر انتي بحكيلك بحبك خدودك بيصيرو صلصة ههههههههههههههه
وبعدا اوقفي للسطح وبنزللك للبحر

ههههههههههههه طيب لا تعال هيني بستنى .

31:غمضي عيونك دقيقة واحكيلنا شو خطر ببالك ؟

انا ومؤمن على شط البحر قاعدين جمب بعض هلأ انا بحكي لمؤمن اطلع هناك وبخليه يلف وجهو بقوم وبهرب ومؤمن بيلحقني ههههههه وبننزل عالمي وبنصير نرشق على بعض .
وانا احكيلوا لأ مؤمن من شان الله لأ
وهو ما بيرد ههههههههههههه

32:لمن تهدي حبك دائما ؟

بهدي حبي لبابا وماما ولأهلي المقربين جدا لإخوتي يعني
وبهدي لمؤمن ولكل شخص ساعدني ووقف جمبي
وخصوصا مؤمن ايام التعصيب

33:طلب منك ان تخرجي من البيت وتأخذي شيئ معك ما هو ؟
34:شو كنتي تعملي قبل ما تفوتي للمنتدي ؟

كنت بفتح بايميلي

35:شو نظرة دمعة لمستقبلها ؟

حلوة نوعا ما بس مليانة بالخوف متخوفة من الي راح يصير بالمستقبل بعلاقت انا ومؤمن وخايفة انو الظروف ما تكون لصالحنا ولكن عندي امل انو تتحسن
حلوة بأحلامي الي عم ابني فيها مع مؤمن

يعني بالمختصر نظرتي لمستقبلي فيها أمل لكن مسيطر الخوف أكتر

36:ماذا تعترفي وتقري لنا الأن ؟

بعترف اني اني ب......ب....ب.....
بعز مؤمن كتيير كتيييييير
وهو كان احلى وأجمل حب بحياتي ومش حابة انو ينتهي او يتبدل

38:أجمل اغنية سمعتيها ؟

كتيير يمكن لو حبنا غلطة ,كان نفسي تكون معايا,لا تروحي ,وشو مبكيك .

39:اغنية حافظتيها من ايام الروضة ؟

ألف باء بومباية
قلم رصاص ومحاية
انا بكتب على اللوح وانتو تعيدوا وارايي

وناسية التكملة .

40:احكيلنا نكتة بس تكون تضحك واذا ما ضحكنا راح خليكي تحكي نكت لما نزهق ونشبع ضحك ؟

اوك
قال مرة cd زجاج وقع من الطابق 7 وما انكسر ليه



قال لانو سي دي فلم هندي
هههههههههه
حلوة صح يلا اضحكوا .

41:انا هلأ راح أكتبلك صفات وانتي حطي العضو المناسب ؟
قلم رائع :أسيرة الحب ,ورئيس ,وانت بخاطرتك كانت حلوة
قلم نشيط :مؤمن ,أسيرة ,بحر الغرام .
قلم جميل :قلمي حلو كتيير هههه قلم كل الاعضاء
قلم ذوق :أميرة ,أسيرة ,ولولو,مؤمن ,رئيس ,بحر الغرام ,فراشة الروح
قلم كسول :حاليا رئيس ,ملكه ,ديدي مع انها جديدة,وفراشة الروح بهالفترة مش نشيطة كتيير وانا كسولة شوي.
قلم رهيب :مؤمن ,أسيرةالحب ,فراشةوأميرة.
قلم مستهتر :لولو وسفينة وفراشة احيانا
قلم مرجوج :أكيد قلمي هههه ما بعرف يمكن لولو وفراشة

الي رجعة بس بدي اروح ارد على ماما .

ههههههههههههههههههههههه نسيتي سؤال 33
والله منيح اني مرقمهم كان زحلقتي بكم سؤال عارفك هههههههههه
ونورتينا يا ملكة البحر

ههههههههه فيه كمان سؤال
تجربة تتمني تكرارها

مثلا تجارب بينكي وبرين هههههههههههههههههههههههههههههه
العبقري مؤمن متل ما قلب علبسكليت هههههههه

ههههههههههههههههه
اه سوري لإني نسيتهم
لأ شو تتكرر هاي تجربة البسكليت نونونونونو

مممممممم يمكن السفر مع اني بتعب فيها بس بحب اكررها
تجربة حبي لمؤمن تجربة كتييير حلوة وحلو انها تكرر ههههههههه شو رأيك نجع كل يوم من جديد نبدأ هالقصة هههههههه.

33:طلب منك ان تخرجي من البيت وتأخذي شيئ معك ما هو ؟

أكيد الجوال .

وبكمل الاجابات :
42:تم دعوتك في حفلة تنكرية . شو الشخصية التي تحبي ارتداء ملابسها ؟

ممممم مش فاهمة يعني شخصية تلفزيونيةمثلا او كرتونية اذذ من الكرتون سندريلا .

43:الأحساس الي بنقص دمعة بهالأيام ؟

يمكن تفاهم اهلي لإيلي يعني التفاهم هادا بالمرة مش لاقيتو غير مع قليل يعني يمكن مؤمن الوحيد الي بحس انو فاهمني .

44:ليش اخترتي لقب دمعة لتشاركي فيه ؟

كنت شايفتو بمنتدى تاني وعجبني ووقت ما سجلت كنت متدايقة شوي وخطر بالي وسجلت فيه .

45:عضو تهديه هدية وشو هيا ؟

مؤمن بهديه كلمة دايما بيستناها مني بس مش هلا ههههههه

46:عضو ارتحتي الو من اول ما شفتي اسمو بالمنتدي ؟

أسيرة الحب

47:ما هو الشيئ الذي لا تقبلي المزاح به ؟

المزح الي بيوصل لبابا وماما او على اي واحد من اخوتي قال يتهبلوا على اهلي هادا ما بتقبلوا .

48:ماذا تريدي ان تشتري مكافأة لصاحب الموضوع ؟؟ احم احم
هههههههه كل شي ايلو الي بدو ياه قلبي عمري عقلي روحي حياتي عيوني
بدو شي اشتري مشترى بشتريلوا كرت جوال لحتى يحكي معي فيه ههههههههههه وبسمع صوتوا يعني المكافأة صارت لايلي وقتها .

49:ما هو السؤال الذي تحبي ان تسألي عنه ولم تجدي من يسألك عنه ؟

مممممممم لحد الان قايمين بالواجب لكل الاسئلة الي بتخطر على البال والي ما بتخطر .

50:ما هو السؤال الذي لا تحبي الاجابة عليه ؟

انتي جوعانة لما كون عند دار خالاتي او خوالي جوعانة ديالا اعملك آكل طبعا انا حتى لو كنت جوعانة بنحرج وبقول لأ مش مشكلة عاد هادي الي مش مشكلة بتبين اني انا جوعانة هههههههه فبيعملولي اكل .

51:كلمات غالبا ما تترك علي لسانك ؟

يا حبيبي (للمسخرة هاي ),يا سلام (كمان للمسخرة )لخواتي أكتر شي وحدة بتحكيلي شغلة ما بتعجبني بقلها يا سلام ؟؟
ماشي كتيييير بحكيها (حتى اسألو مؤمن )

52:أجمل هدية تلقيتها في حياتك ؟

صور مؤمن أغلى هدية عندي ..

يلا بكفي هلأ لهون ونكمل بكرا شو رايك ههههههههه
جاوبي بصراحة يا بنت

هههههههه استنى لأخلص من اسئلة أميرة وملكة بالاول .

ومع اسئلة أميرة :
*تتذكري اول مرة حكيتي فيها مع مؤمن قديش كان التاريخ؟؟

هو انا ما بتذكر لو كنت بعرف اني راح حبو كان احتفظت بالتاريخ بس كل شي صار فجأة بس انا ماخدة اول رسالة وصلتني منو ب5-9 اول يوم لمعرفتي فيه بس بدي اياه يشفلي عندو قديش كان تاريخ اول رسالة وصلتو مني او اول رسالة ارسلي اياها والتاريخ الابعد راح نتفق عليه .

*لو تفرقتوا انتي ومؤمن لا سمح الله بتفكري بالمستقل بشي تاني ؟؟

قصدك بحب تاني مستحييييييل .وان شاء الله ما بنفترق .

*لو شفتي انو بعدك عن مؤمن لمصلحتوا بتبعدي...؟؟

اذا لمصلحتوا اه ببعد.

*نسبة حبك لمؤمن ....؟؟

مممممم ما بتتقدر يعني ما بقدر عطي نسبة ويمكن كنسبة تقريبية مليون بالمية وأكتر بكتيير كمن .


*لو القدر ما كتبلك انتي ومؤمن انو تكونوا لبعض
(لا قدر الله) يا ترى بتزعلي لو تشوفي او تسمعي انو مؤمن ارتبط ببنت غيرك ؟؟

يمكن ما ازعل لانو بكون وقتها شايفة مؤمن عم يبني حياتو وأكيد راح يكون مبسوط لانو ما بيعمل شي ما بكون مقتنع فيه او مبسوط منو يمكن تعز عليي شوي بس راح كون مبسوطة من ناحية انو مؤمن ما حرم حالو وربط حالو معي يعني انو لو انا ما ارتبطت مع شخص تاني هو ما يرتبط (وانا خايفة من هالشي)وبتمنى انو الامور تصير متل ما بدنا .

*اطلبي طلب من مؤمن....؟؟
هههههه
ما راح غلبك كتيير بس كل ما تتصور صورة ارسلي اياها هههههههه مجنونة صور انا بحبهم شو اعملك


*بتحبي اغاني الراب ؟بتسمعيها؟وشو رأيك فيها ؟؟

مممم ما بحبها كتيير اول مرة بسمعها لما مؤمن سمعني اياها ما بحبها كتير لهيك ما بششجع حد يسمعها بحسها غريبة شوي والحركات الي بتنعمل احيانا بالاغاني رقصات الراب عن مش حلوة كتيير وما بتتناسب مع هالمجتمع الي عايشينوا بحسها يمكن بعيدة شوي عن تقاليدنا ما بعرف كيف بدي اوصف بس ما بحبها .

نمط الاغاني المنفضلة عندك؟؟

الاغاني الهادية الي كلماتها مقبولة اغاني الحزن بحبها شوي الاغاني المعبرة

*أكيد كل بنت بتفكر بيوم زفافهاويوم ما تلبس البدلة البيضا يا ترى كيف كانت احلامك عن هاليوم وانتي صغيرة وهلأ تغير والا كيف...؟؟

بدي أاجل الاجابة على هادا السؤال لاني مستعجلة هلأ بدي اكمل وبرجع بجاوب عليه لانو الاجابة طويلة شوي .

*شو الاغنية المناسبة لكل من .....:
-غنية بتخبري فيها مؤمن انك مستحيل تنسيه....؟؟
مقدرش انسك (لمحمد حماقي )

-غنيةلأخوكي بيوم عرسو (ان شاء الله)......؟؟
والله ومحتاجك يا خي

-لو زعل منك مؤمن بيوم من الايام .....؟؟

ريتو يسلملي الزعلان
الي عامل حالو مش سئلان
بيقتلني برمشوا النعسان وعيونوا الدبلانة ....الخ

-لو شفتي دمعة مؤمن نزلت ......؟؟

غنية شو مبكيك مرة هداني اياها بس انا وقتها بغنيلوا اياها لحتى احولها لصيغة المذكر هههه

-لو مؤمن غدر فيكي بيوم من الايام .....؟؟(لا قدر الله)
ممممم غنية جنات (الطفلة البرئية )
وغنية خاين هههههه بعيد عنك يا مؤمن .

-نغمة لجوالك.......؟؟
شنو يعني هههههه متل نغمة جوال مؤمن .

-نغمة الرسائل .......؟؟
لأ ما بعملها نغمة علشان ما حدى يكبسني لاني طول نهاري مسجات

-طلب منك مؤمن تذكريه أول غنية هداكي اياها بداية حكيكم مع بعض .......؟؟
غنية دانا مين دا الي ما يعرف دودو
كانت اذا بتتذكر يا مؤمن لم حكيت معاك من ايميل اختي على اساس اني محمد بعدها لما حكتلك اني انا ديالا حكتلي فيه غنية اسمها مين دا الي ما يعرف دودو حمليها واسمعيها .

-لصديقة او قريبة بعيد ميلادها .....؟؟

كل سنة وانت طيب

وفيه غنية بيغنيها واحد ووحدة كلماتها
كل سنة نجيلك فجأة نيجي ونعملك مفاجأة
كل سنة نجيلك هنا نيجي ونفرح بيك كلنا
ووووووووو وشوكولاتة وجاتوه

هاي من كلماتها .

شو رد عليها يا عالم شو
مو عارف والله شو أردلك ديالا
بس بحكيلك شكرا لألك كتير بجد شكرا
وبحكيلك مشاعرك بتتحرك هون مو عارف ليه

هههههههههه ما تحكي شي مؤمن
هون كرسي الاعتراف يعني لازم اجاوب بصراحة اما هناك على الماسنجر يعني هههه فيه اشياء بتتخبى هون غير ههههههه ايلي رجعة مع الاجابات الباقية .

ههههههههههه اوك يا حلوة كملي كملي والأعضاء الي بدو يسأل يسأل لأنو انا شبعت فيها أسئلة ههههههه

س1-عمرك تخيلتي انك التقيتي انتي ومؤمن وجه لوجه وكيف كان تخيلك؟؟

اه اصلا انا دايما بتخيل انو مؤمن واقف قدامي تخيلاتي كتييرة وبتختلف كل مرةشكل بس أكتر شي بتخيل اول مرة بدي اشوف فيها مؤمن كيف بدها تكون احيانا بتخيلها انها بتكون مجرد صدفة وانو اول لقاء بيكون على شط البحر احيانا بتخيلوا انو بيكون بساحات القدس يعني قال بالمستقبل لما تفتح الطرق كان جاي من غزة ليزورها .
وتخيلات كتييرة ماراح لحق احكيها او اقدر اوصفها .

س2-هل عمرك شكيتي انو مؤمن بيحكي مع بنات ؟؟(بدي احشدها عليك للبنت )هههههههههه

هههههههه لأ يعني انا عندي ثقة تامة بمؤمن انو ما بيحكي ولا مع اي بنت ولو كان بيحكي يحكيلي احسن لايلو ههههههه بس يعني احيانا بحكي انو مؤمن أكيد كان عندو ايميلات بنات يعني ولو بالصدف يا ترى بعد ما حبني حذفهم هادا ممكن أكتر شي بفكر فيه بقصة البنات.

س3-بتغاري على مؤمن .؟؟

اذا ما بدي اغار عليه على مين بدي اغار
بغار عليه كتيير

س4-عمرك عصبتي من مؤمن ؟؟

ممم ولا مرة بس مرة كان بيمزح وشوي كنت راح عصب سألني عن شغلة بحكيلوا نسيت انزلها معي الا بيحكيلي اه والا مهومؤمن بينتسى ماشي ماشي انا بورجيكي وانا احكيلوا مؤمن اسكت وهو يحكي وانا اولها فكرتوا بيحكي عنجد وكنت شوي راح عصب اماأكتر من هيك لأ ولا مرة عصبت وان شاء الله ما عصب بعمري منو .

س5-عمرك فكرتي تعملي مقلب في مؤمن ؟

ههههههههه كتيير مقالب الجوالات اكلها مني كتير ممم مقالب علىالنت بس مرتين همي يمكن مش مقلب مقلب بس اولها ما كان عارفني اول مرة ببداية ما عرفتو ضافني وحذفتو ضفتو من ايميل تاني لايلي لحتى اتأكد من شخصيتو انوهو مؤمن والا واحد تاني وبالفعل طلع مؤمن ووقتها حكتلو انوانا ديالا وكنت بس بدي اعرف مين انت
وتاني مرة كانت قبل فترة ضفتو من نفس ايميلي التاني بس على ايميلو التاني كنت بدي اشوف بدو يتذكر الايميل والا لأ ما تذكرو قلت فرصة بمشي عليه المقلب الا فيه رمز للماسنجر بنكيف عليه انا ومؤمن كاينة انا ناقلتو على ايميل التاني وانا مش منتبهة شافو هلأ شك فيي انتي دودو وانااحكيلوالأ علي الطلاق انتي دودو هلأ اجت عندي بنت عمي وماعرفت احكيلو اه انادودو وكملت عليه شوي بس عرفني يعني
اه وفيه كمان مرة لما كان ضايف اختي حكيت معاه منو ايميلها على اساس اني شب اسمي محمد بس بعديها حكتلوا انوانا ديالا يمكن هادي المرةالوحيدة الي ما شك فيني وقتها لانو ما كنت بحكي معاه بهالفترة ههههههه

س6-عمرو كتبلك شعر او خواطر ....الخ؟؟

اه مرة وحدة طويلة تقريبا هيا خاطرتين مممم مرتين كتبلي وكانوا حلوات كتييير .

س7-انتي متأكدة انو بيحبك ....؟؟

اه متأكدة لاني انا بصدق كل شي بيحكيلي اياه مؤمن يعني لو يحكيلي انا بكرهك يا دودو راح صدق
وانا حاسة انو بيحبني ومتأكدة مليون بالمية من هالشي .


شكرا لإسئلتك ملكة البحر وخلينا نشوفك.

لو قاعد أنا وياكي وهالجو الرومنسي وطلبت منك تحكيلي كلمة ؟
شو هاي الكلمة

*أكيد كل بنت بتفكر بيوم زفافهاويوم ما تلبس البدلة البيضا يا ترى كيف كانت احلامك عن هاليوم وانتي صغيرة وهلأ تغير والا كيف...؟؟




اه طبعا انا كان حلمي وانا صغيرة انو البس البدلة البيضا ويكون عرسي بمكان مفتوح بحديقة بمنتزه بمزرعة المهم يكون على حشيش اخضر اما هلأ بعد ما عرفت وحبيت مؤمن وخلاني اعشق بحر غزة صار كل حلمي انو يصير عرسي على بحر غزة يكون عرس مغلق طبعا بس مفتوح من ناحية البحر نقضي العرس بأولو عادي كأي عرس تاني بالاخر هههههه نلعب بالمي شوي انا ومؤمن ونرشق شوية مي على المعازيم وبعدها الكل راح ينشغل بالمي وانا ومؤمن بنتركهم وبنروح ههههههههههه صحيح احلام غريبة ومش شرط تتحقق لانها صعبةشوي وانا حتى عندي اني اكون مع مؤمن وما بدي عرس حتى بس بيضل عندي انو حلمت وبنيت حلم مع الشخص الي بحبو.

-لو قاعد أنا وياكي وهالجو الرومنسي وطلبت منك تحكيلي كلمة ؟
شو هاي الكلمة

ممممممم هادي طريقة لحتى احكيها يعني هههههه
ما راح احكيها بتضلها الكلمة الي بالي بالك